UC mitanyag og P500 nga tuition
CEBU, Philippines - Usa ka pribadong unibersidad dinhi sa Sugbo ang milusad og programa nga gitawag og Skolar sa Siyudad sa Sugbo (SSS) diin makapa-enrol na alang sa usa ka kurso ang estudyanteng kabus pinaagi sa P500 nga tuition.
Kini mao ang University of Cebu (UC) nga milusad sa P500 Tuition scheme, diin pinaagi sa maong programa ang mga gradwado gikan sa public high school ning siyudad mahimo nang maka- enroll sa mga undergraduate programs sa UC.
Usa sa mga gikinahanglan mao ang pag-presentar lang sa P10,000 nga voucher gikan sa Cebu City Government.
Unya makapa-enrol na ang usa ka estudyante sa mga in-demand nga kurso sama sa: Associate in Information Technology (Ladderized); BS in Information Technology; BS Hotel & Restaurant Management (Ladderized sa UC Main Campus); BS in Elementary Education.
BS in Secondary Education; BS in Business Administration; BS in Management; BS in Real Estate; Bachelor of Arts; BS in Office Administration; BS in Criminology (night class only); BS in Industrial Engineering; BS Tourism (UC Banilad); ug BS Accounting Technology (UC Banilad). Ang de kalidad nga edukasyon sa UC sa dugay nang panahon maisip nga susama og passport aron makatrabaho.
Walay kuti ang proseso sa paghikay niini ilabi na sa estudyante nga benepisyaryo sa SSS. Ang angay buhaton sa usa ka estudyante modiretso lang sa University of Cebu Scholarship Office ug ipakita ang Original Voucher ug Intelli-Prime (Career Path Result) uban sa kopya sa High School Report Card, Birth Certificate ug Certificate of Good Moral Conduct.
Kining espesyal nga prebilihiyo ihatag sa matag semester basta matuman lamang ang mga gikinahanglan sama sa way hagbong; way dropped o gi- withdraw nga subjects; dili mobalhin og laing kurso; kompletohon ang kurso base sa unsay nakabutang sa prospectus alang sa mga regular nga estudyante.
Limitado lang ang enrollment ning maong programa sa University of Cebu Main ug University of Cebu Banilad nga mga campus. Ang may kaikag niini tawga lang ang telepono sa UC Scholarship Office sa UC Main +6332-255-7777 local 156 ug UC Banilad +6332-233-8888 local 121 ug 115. (BANAT NEWS)
- Latest
