Suporta sa mga loot kang Garcia gihangop

CEBU, Philippines - Dili matukib ang pasalamat ni One Cebu gubernatorial candidate Cong. Pablo John “PJ” Garcia subay sa suporta ni Daanbantayan Mayor Ma. Luisa Loot.

Matud sa kongresista nga dakong bintaha sa iyang tingoha nga magpapili sa pagka  gobernador sa lalawigan ang suporta ni Loot kinsa giila nga dakong lider sa northern Cebu.

Si Loot mipadayag nga iyang suportahan ang kandidatura nila ni 4th district Cong. Benhur Salimbangon ug sa duha niini ka mga kandidato sa pagka board members sa ikaupat nga distrito sa Sugbo nga sila si Bokal Benjune Mondigo Jr. ug Bokal Sun Shimura.

Gipadayag usab ni Rex Novabos ang kapitan sa brgy Lugon isla sa Malapascua kinsa maoy Association of Barangay Council President sa lungsod sa Daanbantayan nga solid ang suporta sa partidong One Cebu.  (BANAT NEWS)