2011—Karong adlawa mibotar ang 188 ka mga Kongresista pabor sa impeachment complaint batok kang Chief Justice Renato Corona. Mao pa kini ang labing unang higayon sa kasaysayan sa Pilipinas nga gipa-impeach ang pangulo sa Korte Suprema. Si Corona gipasanginlang ‘batabata’ sa gi-house arrest usab karon nga kanhi presidente ug Kong. Gloria Macapagal Arroyo kinsa nag-atubang og kasong kurapsyon. Tungod sa botasyon sa mga Kongresista pagpa-impeach ni Corona, gitukod sa Senado ang impeachment court ug human sa 45 ka adlaw nga paglutos napamatud-ang guilty si Corona ug gitaktak sa pwesto.
Traffic education
Sa mga nangagi natong isyu sa Traffic Education tulo ka klase nga mga traffic signs ang atong nakat-onan. Ang tulo mao ang cautionary signs, compulsory/mandatory signs ug ang regulatory signs.
Atong tukion karon ug sa mosunod nga mga isyu ang mga kahulogan sa porma ug kolor sa mga traffic signs.
Apan nganong duna may signs nga gibutang sa triangle, lingin o octagonal boards ug lain-lain ang kolor sa background niini?
Octagonal Traffic Sign
Octagonal- Ang pula nga octagon (eight-sided) STOP sign nangahulogang kinahanglang “ full stop” ka gyud una ka mosulod, motabok o molapas sa puti nga stop line sa dalan.