CEBU, Philippines - Sa laing bahin, 33 ka mga sitio sa 19 ka mga barangay sa dakbayan sa Talisay ang delikado sa pagdahili sa yuta ug pagbaha.
Si Alburo nagkanayon nga base sa resulta sa ilang imbestigasyon ning tuiga 77 porsiyento sa 22 ka mga barangay sa Talisay ang ‘high risk’ sa pagdahili sa yuta ug pagbaha.
Matud niya nga walo ka sitio sa pito ka mga barangay sa siyudad ang taas og rating sa pagdahili sa yuta ug ang 25 ka mga sitio sa 12 ka mga barangay ang flood prone area.
Landslide ug baha
Ang walo ka sitio ug barangay ang peligro sa pagdahili sa yuta mao ang barangay Proper sa Camp 4; Zone 1, barangay Candulawan; Camp 2 sa barangay Jaclupan, Iba sa barangay Lagtang; Caduldulan sa barangay Lawaan III; barangay proper sa Manipis; ug Campos, Purok 7 ug tibuok barangay Tapul.
Ang mga barangay ug sitio nga delikado sa baha mao ang proper ug Zone 2 sa barangay Biasong; Zone 2 sa barangay Candulawan; Barangay Hall Proper, Tugas, Santo Niño, Baybay, ug Karomahan, ug tibuok Dumlog; Ilang-ilang ug Santa Catalina sa Lagtang; duol sa barangay San Isidro, Lawaan II; Kasagingan ug Riverside, Lawaan; Lower Linao, Linao Proper, San Miguel, ug tibuok Linao; Cabutoy, Dapdap ug Sunrise, Pooc, Pang-pang, Isla Verde, ug Ilang-ilang sa San Isidro; barangay San Roque, sitio Rattan, Tanke ug Purok 5, Tapul.
Tuyo sa gobiyerno nga maimplimentar ang hustong risk reduction management sa lokalidad pinaagi sa geo-hazard mapping. (Liezl Frasno ug report nila ni Brenda D. Batuto ug Mitchelle L. Palaubsanon sa
The Freeman