Masakiton nasalbar gikan sa bay niyang nasunog

CEBU, Philippines - Naluwas ang usa ka masakiton gikan sa kayo nga miugdaw sa ilang balay kay nadali kini pagpagawas sa iyang mga anak sa Sitio Matumbo Barangay Pusok, dakbayan sa Lapulapu kagahapon sa hapon.

Sa imbestigasyon ni FO2 Climaco Salisid sa Lapulapu City Fire Department nasuta nga didto magsugod   ang kayo sa kisame sa balay ni Fernando Aliminiana, usa ka masakiton ug mitapon kini sa balay ni Roberto Cadampog.

Si Aliminiana kinsa bag-o pang nauli gikan sa tambalanan giingon nga gisiguro sa pagsalbar sa iyang pamilya pinaagi sa pagsakwat niini dihang misilaob na ang kayo sa ilang balay.

Nasuta ni FO2 Salisid nga short circuit sa linya sa kuryente sa balay ni Aliminiana ang hinungdan sa sunog.

Gituohan nga posibleng adunay mga daan na nga wiring   nga nagkadikit   nga maoy    mimugna og kayo.

Hinuon atol sa maong insidente walay kinabuhing nakalas ug naangol apan nagbilin kini og P150 mil nga   danyos gumikan sa duha ka motorsiklo nga nahilakip sa pagkaugdaw.

Nadawat sa kabomberohan ang alarma sa sunog mga alas 2:45 sa hapon ug napawong human sa tulo ka minutos. (BANAT NEWS)