CEBU, Philippines - Gihulipan na ang fire marshal sa dakbayan sa Talisay human si Chief Inspector Fernando Vonrad Dublois gibalhin ngadto sa buhatan sa Bureau of Fire Protection sa Manila isip chief legal officer.
Si Dublois kinsa usa ka abogado nahimong fire marshal sa siyudad sa Talisay sulod sa duha ka tuig diin naapil kini sa lahugay nga gimando sa kadagkoan sa BFP nga pinirmahan ni interior secretary Jessie Robredo.
Si Chief Inspector Antonio Ortiz maoy napuling fire marshal na karon sa Talisay. Si Ortiz kanhi city fire marshal sa dakbayan sa Naga miasumir na kagahapon isip fire marshal sa Talisay. Sa laing bahin, si Cebu City Fire Marshal Superintendent Aderson Comar ang nabalhin usab kini ngadto sa National Capital Region (NCR) ug gihulipan Chief Inspector William Tacaldo nga kanhi fire marshal sa dakbayan sa Dumaguete ang mipuli kang Comar.
Si Superintendent Ismael Codilla, assistant regional director for operations ug acting Cebu Provincial Fire Marshal gibalhin ngadto sa Bohol. - BANAT NEWS