Sa kasaysayan karon Hulyo 26

Pinay Scientist

1931— Gipakatawao ang 2010 National Scientist nga si Dr. Perla Dizon Santos-Ocampo kinsa giila sa gobiyerno tungod sa kontribusyon niya sa iyang mga pagdukiduki kabahin sa sakit nga diarrhea o kalibanga nga sagad moigo sa kabataan. Ang pagdukiduki ni Ocampo miresulta sa pagkahimo sa tambal niini nga gitawag og super oral rehydration solution ug siya usab ang hinungdan sa mga gipatumang polisiya karon sa Department of Health mahitungod sa maong sakit. Si Ocampo usa ka pediatrician, medical educator-leader ug mentor, institution builder ug ang nag-adbokasiya sa maayong panglawas sa kabataan.

Robot sa mga pabrika

1926—Natawo si George Devol, ang Amerkanong engineer nga maoy mi-develop sa labing unang industrial robot sa Estados Unidos nga gitawag og Unimate niadtong dekada 50. Si Engelberger nga gibansagang "Father of Robotics” usa sa mitukod sa Unimation niadtong 1956 nga naghimo og mga industrial robotic arms aron mas mapadali, paspas ug menos tawo nga suhulan sa usa ka pabrika. Ang unang kompanyang mipalit sa mga robotic arms ni Unimation mao ang General Motors niadtong 1962.

Indian nuke submarine

2009—Niining petsaha nalakip ang nasud sa India sa unom ka mga nasud nga nakahimo og kaugalingong nuclear submarine. Nahimo kini sa India inabagan sa mga Russian nga gihulagway sa mga eksperto nga gituyo aron mopadala og mensahe sa China nga ang India dili magpabiya sa mga Intsik.