CEBU, Philippines - Nasikop sa kapolisan sa Mandaue ang usa ka suspetsadong drug pusher didto sa sitio San Miguel, barangay Linao lungsod sa Daanbantayan sa miaging gabii.
Si PO3 Jose Jamero sa Presinto 3 sa Mandaue City Police Office miila sa dinakpan nga mao si Richard Palang, 37, ulitawo nga taga Consuelo Village, sa barangay Basak, Mandaue.
Matud pa ni Jamero nga nakaipsot ang maong suspek sa buy bust operation nga ilang gihimo apan nasakmitan nila og ebidensya didto sa ilang balay sa Basak sa miaging buwan.
Human malutsi og warrant of arrest, ila kining gipangita didto sa Daanbantayan diin didto motago sumala sa mga silingan niini sa Mandaue.
Sa pagkakaron nagtingkagol na sa prisohan ang maong suspek. (BANAT NEWS)