CEBU, Philippines - Gisugdan na nila ni Governor Gwendolyn Garcia ug Cebu City Mayor Mike Rama ang planong saw-an sa pagdumala sa dakbayan ug sa lalawigan sa Sugbo ang Cebu North Bus Terminal (CNBT).
Matud pa sa gobernador nga lingkoran nila kini sa lamesa ug mao nalay gipaabot nila ang tukmang adlaw nga mahimog luag silang duha si Rama aron ikaplastar nila ang tukmang sistema sa pagdumala sa maong terminal.
Sa nasayran nakab-ot ni Governor Garcia ug Mayor Rama ang desisyon sa maong isyu agi og tubag sa resolusyon ni 4th district provincial board member Shun Shimura kalabot sa pagpahapsay sa pagdumala sa CNBT.
Gawas sa maong isyu hisgotan usab sa gobernador ug sa mayor sa dakbayan sa Sugbo ang bahin sa luna sa lalawigan sa Sugbo nga paliton sa Barangay Lahug aron tukoran sa ilang merkado sa barangay.
Subay niini, gipahayag sa gobernador nga ang maong kalamboan maoy usa sa maayong resulta sa panaghiusa sa lalawigan ug dakbayan sa Sugbo.
Sa miaging Pebrero ning tuiga usa ka iro nakakawot usab og vintage bomb sa Cansojong.(/WC) (BANATNEWS)