CEBU, Philippines - Patay ang 45- anyos nga ulitawo human kini madakin-as sa semento ug nabunal ang ulo sulod sa ilang balay sa sitio Gahad barangay Poblacion lungsod sa Sibonga niadtong Miyerkules sa alas 6:30 sa buntag.
Ang napalgang patay sa iyang igsuon mao si Aristides Roma, nga dunay deperensiya sa panghunahuna.
Matud ni PO2 Arnold Frenal sa Sibonga Police Station dihang nahinabi sa Banat News ang igsuon nga si Jane Roma nga nanilhig maoy nakadiskubre sa maguwang nga nagbuy-od na ug wala nay panimuot.
Dali siyang nangayo og tabang sa mga silingan ug sa gihimong pakisusi sa kapulisan patay na kini ug gituohan sa mga kabanay nga nadakin-as ug napantok ang ulo niini nga nakaingon sa iyang hinanaling kamatayon.
Ang mga kabanay mitugot nga ipaawtopsiya ang patay’ng lawas pagtino kun wala bay foul play sa kamatayon niini.(/EIM) (BANATNEWS)