^

Politika

- Ni Marlon Bellita () - February 1, 2012 - 12:00am

Siana: Tay unsa diay nang politika?

Bitoy: Ang politika anak mao ni, Ako maoy nagpakaon sa atong pamilya ang tawag naku KAPITALISMO, Imong Nanay maoy tagdumala sa kwarta ang tawag niya GOBIYERNO, Ang kapitalismo ug Gobiyerno maoy nag-atiman sa inyong panginahanglan, ibutang nato ikaw ang KATAWHAN, Ang imong Yaya tawgon nato’g MAMOMOO, Ang imong manghod maoy KAUGMAON mao nay politika anak.

(Anang pagkagabii.... nakadungog siya ang iyang manghod naghilak iyang gisusi sus nakita niya nga naligo sa hugaw,   giadto niya ang kwarto sa iyang Tatay ug Nanay.... Pwerteng hagoka sa iyang Nanay.... Pag-adto niya sa iyang Yaya nakita niya nga nagdulog ug ang iyang Tatay. Pagkaugma iya dayong giadto iyang Tatay ingon dayon ang bata.

Siana: Kasabot naku Tay unsay politika.

Tatay: Very good unsa man anak be?

Bata: Samtang naghagok ang Gobiyerno, ang MAMUMUO gikamang sa KAPITALISMO, Ang KATAWHAN walay masangpit nga ang KAUGMAON nagkabulingit.(Toink!/Ayay!)

Hehehehehehehehehehehe ! sounds familiar?

Ang politika nagpasabot og usa ka proseso diin ang hut-ong sa katawhan mokab-ot og kolektibo nga desisyon. Ang politika sinakpan sa "makidaiton nga relasyon ubos sa pagbulut-an ug gahom".

Pero unsa na may hitsura sa politika karon?

Kung maghimo ta og bag-ong bukabolaryo alang sa pulong politika motuo ka ug sa dili apan tuo na lang aron ta madali dili na masulod sa usa lang ka pahina ang gituhoang ipasabot sa maong pulong.

Alang sa uban ang pulong politika nagpasabot og tikas, surambaw, pagpanglupig, tinunto, kawat, pangilad, panapaw, sorikbot ug uban pang ngil-ad ug mga panghimaraot nga pulong so on and so forth etsetera dat pi-its(ph) dat com(Toink!/Aguy!). Hehehehehehehehehehe!

Apan kanus-a ba nagsugod ang mga dili maayong konotasyon sa pulong politika?

Dili ko makiglalis apan ang labing siguro nagsugod ni dihang naanod sa tentasyon ang kaligdong sa mayoriya sa usa’g-usa kansang katungod maoy mohulma sa gikinahanglang kolektibo nga kabubut-on paghatag sa otoridad og gahom.

Dihay politiko nga nasakpan sa asawa nga dagha’g kabit.

Senyang: Salbahis ka, maayo kay ka sa atubangan dokirok ka diay’ng dako.

Bitoy: Dili tawon ko dokirok, nasayod bitaw ka nga mayor ko.

Senyang: Abi kay mayor ka dili ka dokirok, unsa man ka bigaon?

Bitoy: Labaw nang dili ko bigaon day.

Senyang: Unsa man diay tawag anang imong pagkahimabaye?

Bitoy: Pamolitika.

Senyang: Ah mao ba pwes dili tika ikiha og adultery ikiha tika og electionering.(Toink!/Aguy!)

Wa lusot! hehehehehehehehehehehehe!

Sa tuig 2013 piniliay na usab. Dugay pa paminawon apan alang sa mga beteranong politiko duol na kaayo ang maong panahon. Sa publiko dili pa tataw ang ilang mga plano apan sa hilom naglihok na ang ilang mga kakunsabo.

Sayong pahinumdom natong mga botante nga maoy tinud-anay nga gamhanan. Kun pabiling tugotan sa mayoriya nga kaonon sa sistema sa limbong sa kalibotan sa politika ang gihuptang katungod, ang kausaban dili hingpit makatugpa sa atong yutang natawhan. Amen!

* * *

(emailad:jomar_bellita@yahoo.com.)

AGUY BITOY DILI GOBIYERNO IMONG NANAY POLITIKA SENYANG TATAY TOINK
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with