^

"Xin nian kuai le"

- Ni Marlon Bellita () - January 23, 2012 - 12:00am

Mana: Nganong nanampiling ka mano?

Mano: Nahadlok ko sa tuig ron kay water dragon daw.

Mana: Ay baya nimo, mahadlok ka hinoon nga dili man kalayo maoy mogawas sa dragon tubig man.

Mano: Mano gani bintaha tong kalayo kay mapaso ra ta, kanang tubig sigurado gyud kung patay kay dili man ko kamao molangoy.(Toink!)

Iho! Hehehehehehehehehehehehe!

Alang sa mga wala masayod kon unsay husto ug haom nga termino sa pulongan nga "Happy New Year" sa mga insek.

Dili na "Kung Hei Fat Choi", labaw ng dili na "Kung Tsoy Patyon"(Toink!) ug labaw ng nang labaw pa sa dili "Kung Gay tsup-tsup" (Aguy!/toink!). Ang tinuod nga kahulogan sa "Kung Hei Fat Choi" mao ang pagpahalipay ug mga panghinaot sa imong kabulahanan sa maningles pa "Congratulations and wishing you prosperity.

Busa kon ang naandan nga pagpahalipay natong mga pinoy nga sa matag bag-ong tuig moingon nga "Happy New Year o Manigong Bagong Taon o Malipayong Bag-ong Tuig maoy atong direktang ipaabot sa atong mga kapamilyang mga insek, Ang haom ug husto nga termino sa Mandarin "Xin nian kuai le o Gong he xin xi".

Bitoy: Kanang kalendaryo Buloy pareho ra diay na og relo.

Buloy: Ha! nganong nakaingon man ka ana Toy?

Bitoy: Wala man magtumong ang new year sa Pinoy ug Insek.

Bitoy:  Ngano man diay og wala magtumong.

Bitoy: Aw klaro kaayo nga kung dili ang atong kalendaryo maoy advance ang ila maoy late.(Toink!/Ayay!)

Hehehehehehehehehehehehehehe!

Kun ang mga eksperto sa fengshui maoy atong paminawon ang tuig sa water dragon nagdala og mas abundang kalamboan ikompara sa miaging tuig 2011.

Nagbawon og dakong kausaban sa matag usa. Dili lang hinoon ingon ka madasigon tungod kay samtang naghisgot og kausaban ang tuig tubig dragon alang sa kalamboan mao usab ang mahitabo sa mga malamboon na paingon sa kaparotan kon dili magmabinantayon sa mga kalihokan. Alang sa mga motuo sa fengshui ang tuig 2012 naghupot og masaaron nga kalamboan. Duna lay pahibalo, ang tanan magdependi sa imong pagsakay sa harianong dragon sa tubig.

Mengoy: Magtukod ko og daghang branch sa akong negosyo ron kay water dragon rong tuiga haom kaayo sa akong negosyo.

Siano: Mao ba! unsa man diay imong negosyo?

Mengoy: lungon.

Siano: Taympa nganong mahaom man ang water dragon.

 Mengoy: Water gud sa ato pa daghang hinilakay rong tuiga. Hilak gani apil gyud nang patay unsa pa man diay.(Toink!)

Espuko mo bay!(Toink!/Ayay!) Hehehehehehehehehehehe!

Apan sa mga wala mag-agad og fengshui o bisan unsang paswerte. Kugi ug kaalisto maoy gikanahanglan sa kalamboan. Kung magtapol ka bisan unsa pa ka abunda sa imong katigoyanan adto gyud na sa pagkaot-ot. Apan kon may kugi dunay dakong kahigayonan nga ang diyot dunay paglambo.

Iya-iya ang baroganan. Lain-lain ang mga gituohoan. Mahimong dunay magkapareha apan siguradong dunay managlahi og sanglitanan. Duna man siguro apan diyot lang kung dunay dili mapasalamaton.

Pasalamat sa matag bag-ong tuig sa laing lugway ug bag-ong kahigayonan sa kinabuhing igo lang gipahuwaman. Uban sa pagsaulog sa mga kapamilyang insek sa bag-ong tuig "Xin Nian Kuai Le".

(emailad:jomar_bellita@yahoo.com.)

BITOY DILI HAPPY NEW YEAR KUNG MAN TOINK TUIG
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with