^

Banat Balita

3 sakyanan nagkabangga usa patay ug unom angol

- Lesley Caminade-Vestil -

CEBU, Philippines - Patay ang usa ka inahan samtang ang duha ka anak niini nalandig sa tambalanan uban sa laing upat ka biktima human ang tulo ka sakyanan nagbinanggaay pasado alas-7 sa maiging gabii barangay Ibo syudad sa Lapulapu.

Ang namatay mao si Vinceleta Maglasang, 49, molupyo sa lungsod sa Liloan samtang ang mga anak niining samaron nagpangidaron og 9-anyos ug 7-anyos.

Samtang ang upat nga samaran usab mao silang John Louie Rellon, 19; Ralph John Ducosin, 20; Roy Jessie Crisplacios, 19, mga molupyo sa nahisguatng syudad pulos mga pasahero nga kauban sa manag-inahan sa usa ka pasaheroang multicab.

Sa imbestigasyon sa kapolisan sa syudad sa Lapulapu nasayran nga ang gisakyan sa mga biktima nga pasaheroang multicab gimaneho ni Lanly Langgaga padulong unta sa Philippine Export Zone Authority (PEZA) 1 sa Barangay Ibo dihang nahitabo ang aksidente.

Matud pang PO1 Arnel Gabucan sa Lapulapu City Police Office Traffic Division nabalintong ang pasaheroang gisakyan sa mga biktima human kini maigo sa gikasugat nga Toyota Innova nga ginaneho ni Angelito Labor sa kasugat nga lane.

Gipangita pa sa kapolisan atol ning pagsulat sa balita ang drayber sa taksi nga giingong maoy sinugdanan sa maong bangga.

Matud pa ni Gabucan ang taxi nagsunod sa multicab padulong sa Philippine Export Zone Authority (PEZA) 1 apan pag-abot sa sitio Takan mi- overtake ang taksi sa tuong bahin sa multicab apan nasaghid kini sa naulahi.

Kini maoy hinungdan nga napadulong sa kasugat nga lane ang multicab ug naatol sa pag-agi sa maong Toyota Innova ug mao hinuoy nagsampok ug tungod sa kakusog nabalintong ang multicab.

Ang mga biktima daling gidala sa tambalanan apan patay na si Maglasang samtang ang taksi didto na naabtan sa parkingan sa Mactan Cebu International Airport (MCIA) apan wala nay drayber. (BANAT NEWS)

ANGELITO LABOR

ARNEL GABUCAN

BARANGAY IBO

JOHN LOUIE RELLON

LANLY LANGGAGA

LAPULAPU CITY POLICE OFFICE TRAFFIC DIVISION

MACTAN CEBU INTERNATIONAL AIRPORT

PHILIPPINE EXPORT ZONE AUTHORITY

TOYOTA INNOVA

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with