Gikan sam-ang gipusil

CEBU, Philippines - Naangol ang usa ka minor de edad nga lalaki nga gipusil sa duha ka wala hiilhing lalaking nagsakay og motorsiklo sa dalan national sa barangay Looc, dakbayan sa Danao alas-2 pasado ang takna sa miaging adlaw sa pagsaulog sa adlaw sa minatay.

Ang biktima mao si Napoleon Yap, 16, nagpuyo sa maong dapit kinsa unang gihatod sa iyang mga kabanay sa Danao District Hospital apan gibalhin kini sa Vicente Sotto Memorial Medical Center.

Si SPO4 Edgar Gomez sa kapolisan sa maong dakbayan nga nahinabi sa Banat News miingon nga gikan pa sa sementeryo ang biktima kuyog sa mga higala niini nga nanglingkod sa gutter daplin sa dalan.

Dangtan pila ka gutlo miabot ang motorsiklong may duha ka sakay nga lalaki ug ang backrider namusil kanila.

Nag-iyahay sa pagpanagan ang mga batan-on apan si Yap naigo sa walang bukton human niini miikyas ang mga gikatahapan. Gisusi pa sa kapolisan kung may koneksyon ba kini sa pagtimaan sa Todos los Santos.  - BANAT NEWS