CEBU, Philippines - Aduna nay bag-ong opisyales sa Cebu Federation of Beat Journalist (CFBJ) Inc. human sa gihimong eleksyon kagahapon.
Si Elias Baquero, nga kasamtangang presidente sa Regional Journalist in Cebu (REJOICE), subling gipili sa ikaunom nga higayon nga mamahimong presidente sa CFBJ Inc. atol sa “all presidents and vice president’s” meeting kagahapon.
Ang CFBJ Inc. natukod niadtong 2000 nga ang katuyoan dili lang ang paghugpong sa mga tinuoray nga beat journalists kondili aron usab matabang ang mga miyembro kung adunay mga problema.
Sumala pa ni Baquero, aduna nay giandam nga mga proyekto ang CFBJ karong tuiga nga naglakip sa pagtabang sa kabutang sa pamuyo sa mga sakop sa media.
Gihulagway ni Baquero nga ang CFBJ Inc. maoy gikonsiderar nga labing dakong media federation sa amihanang bahin sa Pilipinas nga narehistro sa Securities and Exchange Commission (SEC) under registration No. CN200529173.
Ang CFBJ mao ang umbrella organization sa 11 ka media groups (beats) sa Cebu namely the Regional Journalists in Cebu (REJOICE), City Hall Association of Reporters in Media (CHARM), Capitol Association of Reporters in Tri-Media (CART), Cebu Economic Journalists Association (CEJA), Sports Correspondents (SCORE), Defense and Police Corp. (Depp) Reporters, Media Association for Life, Liberty, Equality and Truth (MALLET), Media in Cebu South (MICS), Association of Reporters in Mandaue and Lapulapu City for Integrity, Truth and Equality (ARMALITE), LENS composed of Cebu’s photographers, Cebu Economic Journalists Association (CEJA) and Entertainment Group (E-GROUP).
Ang napiling bise presidente sa CFBJ mao si Oscar Pineda sa CART; Secretary si Liv Campo sa MICS; Treasurer si Joseph Tubilan sa MALLET; Auditor si Flor Perolina sa ARMALITE ug ang mga Board of Directors – Gabby Malagar (SCORE); Gregg Rubio (CART); Ryan Mark Borinaga (E-Group); Rene Borromeo (CHARM); Norman Mendoza (ARMALITE); Chito Aragon (DEPP); Alex Badayos (LENS) ug Irene Sino-Cruz (CEJA). (BANAT NEWS)