Duha giluba ug gipusil angol

CEBU, Philippines - Duha ang naangol sa kasong pagpamusil ug panunggab didto sa sitio Soong, sa barangay Mactan, dakbayan sa Lapulapu sa   miaging adlaw.

Si PO2 Carlos Barluado sa homicide section sa kapolisan sa maong dakbayan miila sa nadunggaban nga mao si Maria Cristina Igoy, 36, minyo, nga taga sitio Soong sa barangay Mactan sa maong dakbayan.

Samtang ang napusilan mao si Chequito Regala, 20, ulitawo nga taga Soong.

Ang suspetsado nga midunggab   kang   Igoy mao si Arnel Aying nga iyang silingan, samtang ang miluba kang Regala, wala hiilhi.

Si PO2 Barluado miingon   kalit lang mitunga   si Aying sa tindahan ni Igoy, samtang bisi kaayo kini sa pag-atiman   sa iyang mga customer.

Unya   walay langan-langan miluba sa biktima sa ubos nga bahin sa iyang dughan.

Dugang pa ni PO2 Barluado nga sa ilang pakisayud nasuta nga adunay karaan nga panagbangi ang biktima ug suspetsasdo.

Si PO2 Barluado miingon nga kuyog   sa biktima ang ig-agaw niining lalaki nga si Mark Ocomar nga nag-atang og traysikad sa maong dapit.

Dugang pa nga kalit lang mitumaw ang usa ka wala hiilhing lalaki nga nagdala og armas nga wala matino ang kalibre ug kalit lang nga namusil ug dayong sibat pahilayo.

Ang mga biktima pulos   gipanghatod ngadto sa tambalanan sa Lapulapu.        (WC) - (BANAT NEWS)