CEBU, Philippines - Matud pa sa akong Lolo og walay uga walay mabasa kay kanus-an man pud mabasa ang basa.
Sama sa makahuloganong awit nga tinagik sa inila nga Sugboanong kompositor Jayme Rabaya "Kausa nabasa ang tubig" matud pa sa akong Lolo ay "Hala bas-a"(Toink!).
Hehehehehehehe.
Maayo gani walay nangahas sa pagtagik pud og awit nga giulohan og "Kausa nasunog ang kayo"(Estoryaheeeeeeeee!).
Ang akong punto mao walay baha tinuod kun walay ulan pero taympa sa klarohon ko lang nagbaha sa panahon ni Noah tungod sa tinuyong ulan apan sa ato karong panahon magbaha na ug mag-ulan bisan wala si Noah.
Kun si Atty. Dindo Perez maoy pasultihon dili ang Monterazzas de Cebu maoy hinungdan sa baha, ang tinud-anay nga hinungdan ang ulan, nakatampo hinoon ang Monterazzas sa dagan sa tubig.
Well he is entitled in his own thinking.(Toink!/maninglis pa).
Mahimo sigurong ang ulan maoy pabilo sa baha apan kita maoy nagpadilaab.
Hinoon modason ko sa punto ni Atty. Perez dili sa puntong ang uwan maoy hinungdan sa baha kun dili sa puntong dili angayan nga ipunting ang pagbasol sa Monterazzas ang nahitabong baha niadtong Hulyo 20 sa Barangay Guadalupe.
Kay para naku kun duna may angayang basolon walay laing labing angayan gawas sa lokal nga kagamhanan.
Ngano? Tungod kay hangtod karon pabiling pakyas ang mga lokal nga kagamhanan pagpalambo sa matag-drainage system nga dili na haom sa atong panahon karon.
Bisan unsaon pagpalawom sa drainage system sa matag-development apan pabiling mabaw ang kanal sa lokal nga sistema musogwak gyud ang tubig.
Pabiling magsuka ang kanal sa bisan asang lokalidad tungod kay nagpabiling plano hangtod karon ang ilang gipasiatab nga drainage master plan.
Busa samtang inutil pa ang matag lokalidad pagpatuman sa master plan nga gigastohan og minilyon ang pagtuon alang naku walay laing epektibong sulosyon aron dili ta sa hingpit molutaw matag ulan.
Ihunong una ug dili itugot ang bisan unsang housing development. Kay samtang magpadayon ta pagkongkreto sa atong palibot padayon sab nga mohagip-ot ang katuhopan sa tubig.
Og aron dili kay ta sapoton sa tinud-anay nga problema himoon na lang nato ni nga trivia.
Pangutana: Unsa nga B nga sagad dagnayan sa Siyudad sa Sugbo, Talisay ug Mandaue?
Tubag: BAHA! (Toink!). Hehehehehehehehehe
Pangutana: Unsa nga plan nga hangtod karon pabilin pang plan sa Siyudad sa Sugbo, Mandaue ug Talisay?
Tubag: Master Drainage Plan.(Toink!)
Hehehehehehehehehe.
Pangutana: Unsa nga ECC nga gihimong lisensiya sa baha?
Tubag: Environmental Comisyon Comisyon.(Toink!/Aguy!).
Hehehehehehehehehe.
(emailad;jomar_bellita@yahoo.com) (BANATNEWS)