Miluba sa ulitawong nakig-date ilhan

CEBU, Philippines - Nailhan na sa kapolisan ang usa sa mga gituohang rugby boys nga midunggab angol sa usa ka ulitawo nga nakig-date sa iyang uyab didto sa Muelle Osmeña wharf sa Brgy. Poblacion, dakbayan sa Lapulapu sa milabay’ng gabii.

 Si SPO2 Rolito Jumao-as sa Homicide section sa kapolisan sa Lapulapu miila kang Marlon Gocotano, hingkod, nga kauban sa grupo nga nagtinabangay pagdunggab kang Emmanuel Villejo nga taga Brgy. Punta Engano sa maong dakbayan.

Ang biktima kauban sa iyang uyab didto sa pantalan sa Muelle Osmeña dihang gipareglahan og dunggab sa grupo ni Gocotano ug nabulit sa mga samad dinunggaban ang lawas niini.

Padayon na karong gipangita sa kapolisan si Gocotano.  – BANAT NEWS