Gipriso kay wa mobayad sa giinom

CEBU, Philippines - Usa ka tawo nga wala mobayad sa iyang gikaon ug giinom sa Queensland Crown KTV sa barangay Lawaan I, dakbayan sa Talisay gipriso sa kapolisan niadtong Lunes sa gabii.

Ang nakatulog sa stockade mao si Russel Arcella, 55, kinsa giingong nagdumili sa pagbayad sa P2,800 niyang bayranan.

Si Arcella gipadakop sa kapolisan nila ni Irene Ybañez ug Dyan Inocando mga kawani sa maong establisamento kinsa maoy mitawag sa Talisay City Police Station.

Sila si SPO1 Ricardo Balbutin ug PO1 Rusty Pelayo maoy miresponde sa maong alarma ug dihadiha giposasan dayon ang suspetsado ug gibalhug sa ilang prisohan.   (BANATNEWS)