^

Banat Balita

Lagundi reef nameligro

- Brenda Batuto -

CEBU, Philippines - Nameligro karon ang giampingang Lagundi Reef sa dakbayan sa Talisay gumikan sa pangabuso sa mga tawo ug ingon man ang natural destruction gumikan sa pagtumaw sa makadaot nga matang sa tuyom nga mao ang Crown of Thorns sa palibot niini.

Si Konsehal Bernard Odilao, tsirman sa komitiba sa kalikupan base sa nakitang video sa mga gasang diha sa Lagundi Reef natabunan kini og mga pukot.

 Ang video gikan sa mi-dive nga Knight-Steward of the Sea, Inc. (Sea Knights) grupo sa mga divers nga nagpakabana sa kalikupan.

Ang maong video usab nagpakita sa lapad kaayong lugar sa Lagundi nga natakluban og mga pukot. Si Alfie Fernandez, master diver sa Sea Knights nagtuong ang maong mga pukot iyaha sa mga commercial fishing boats nga magkawat-kawat og panaktak.

Matud ni Fernandez nga tungod kay walay nagbantay diha sa lugar ug walay boya nga mga timailhan ang Lagundi Reef masulod gyud sa mga mananagat.

 Kaniadto dunay payag-payag nga guard house ang gibutang diha sa Lagundi Reef apan naguba kini niadtong bagyo sa miaging tuig.

Niadtong Martes si Fr. Charlie Orobia, OAR, Bise Presidente sa Sea Knights maoy nangulo sa pagpahigayon og cleanup drive sa Lagundi Reef diin nakuha sa grupo ang pukot nga dunay gilapdong 38.5 ft.x5.5 ft.

Si Orobia nagkanayon nga duna pay mga pukot nga nahibilin sa ilawom nga kinahanglang makuha tungod kay kini mopatay sa gasang.

Gawas sa mga pukot ang grupo nakakuha usab og 86 ka mga crown of thorns (COTS) sa maong cleanup drive nila diha sa lugar.Kini usa ka matang sa tuyom nga mokaon sa tanang mabuhi nga nagpuyo sa bato.

Si Fernandez midugang nga matawag na og outbreak kung ang usa ka ektaryang gilapdon sa reef dunay sobra 30 ka COTS. Ang COTS sa Lagundi miokupar na karon og 300 metro kwadrado.

Sobra na sa usa ka tuig ang milabay wala gihapon matagad ang gidaro nga gasang sa usa ka Chinese cargo vessel diha sa Lagundi Reef sa dakbayan sa Talisay niadtong Marso 5, 2009.

Ang M/V Majuro moangkorahe unta sa maong dapit apan walay ideya ang kapitan nga usa kini nga fish sanctuary hinungdan nga gidaro sa iyang barko ang kapin tulo ka hektaryang gasang. – BANAT NEWS

ANG M

BISE PRESIDENTE

CHARLIE OROBIA

CROWN OF THORNS

KNIGHT-STEWARD OF THE SEA

LAGUNDI

LAGUNDI REEF

SEA KNIGHTS

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with