Gikawata'g bag sa PUJ misumbong sa Banat

CEBU, Philippines - Usa ka tawong nawad-an og mga butang sulod sa PUJ nga iyang gisakyan, nagpakitabang sa Banat News pag-awhag sa nakapunit sa iyang mga butang nga mahibalik kini kaniya.

Siya mao si Augusto Padua Acabado, 64, minyo nga kasamtangang nagpuyo sa No. 33 F. Fulton, sa barangay Lahug, ning dakbayan sa Sugbo kinsa mibutyag nga nagsakay siya og PUJ paingon sa Lahug gikan sa downtown area niadtong Pebrero 24, ning tuiga sa alas 6:00 ang takna sa gabii.

Apan sa iyang pagkanaog, nahanaw na ang iyang shoulder bag ug uban pang mga karga niya nga gituohan niyang gisakiyo sa laing pasahero.

Ang sulod sa iyang bag mao ang RCBC ATM Card. SSS ID, Senior Citizens ID. Ship ticket sa Super Ferry 12, professional driver’s license, TV Mobile Phone cellphone ug cash nga P300.

Busa alang niadtong nakakita sa maong bag, palihug tawga ang tag-iya sa iyang cell phone number 09308255198 ug 09176088890. (BANATNEWS)