^

Banat Balita

Maestro gitulis, gipatay

- Ni Guam Logroño -

CEBU, Philippines - Patay ang usa ka maestro human matusak sa bala ang iyang walang mata dihang gipusil sa gidudahang tulisan dihang kini gitulis kagahapon sa kaadlawon sa atubangang bahin sa Malingin Elementary School sa barangay Malingin lungsod sa Daanbantayan.

Namatay diha-diha si Adan Arcellias Medrano, 28, nagtudlo sa Daanbantayan National High School nga taga barangay Gairan dakbayan sa Bogo. Si Medrano anak ni SPO4 Gibo Medrano nga sakop sa Bogo Police Station.

Si PO2 Ramil Claro sa Daanbantayan Police Station nga gikahinabi sa Banat News nagkanayon nga ang biktima gikan sa sitio Cambiyuhan barangay Bagay Daanbantayan nagdisko gumikan sa kapistahan sa nahisgutang lugar.

Apan dihang mipauli na kini sakay sa iyang motorsiklo angkas ang duha ka mga tinun-an ni Medrano nga mga minor de edad paingon sa Poblacion sa nahisgutang lugar.

Pag-abot sa barangay Malingin kalit lang mibabag sa karsada ang usa ka motorsiklong ‘cannibalized’ nga nagsunod kanila nga dunay sakay nga duha ka mga lalaking ang usa tambukon nga pution samtang ang usa yagpison ang lawas ug daw adik ang pamarog.

Ang biktima mipahunong sa iyang motorsiklo diha sa tunga sa karsada ug gikomprontase ang driver sa motor nga mibabag kanila apan wala damhang mibunot og armas ang mga lalaki dayong deklarar og tulis. Sumala pa sa mga menor de edad gipangayo sa mga tulisan ang bag sa maestro ug gumikan sa kahadlok sa estudyanteng nagkupo niini gitunol kini nila dayon sa mga tulisan.

Apan giilog kini’g balik sa biktima hinungdan nga gipusil kini diha sa mata ug daling miikyas palayo sa dapit.

Si Chief Insp. Laurel Almirante sa pakighinabi sa Banat News mibutyag nga gawas sa duha ka tinun-an ni Medrano duna pay laing duha ka bayot nga motestigo.

Matud pa ni Almirante, sa wala pa mahitabo ang krimen, una nang giibid-ibiran sa mga tulisan ang duha ka bayot apan wala tubayi ug giingong nangasuko.

Giingong ‘tripping’ gyud sa duha ang mga bayot nga ilang danihon ug pagkahuman tulison kun mokuyog.

Si Digal nagkanayon nga highway robbery ang maong kaso ug wala'y kalambigitan niini ang isyu sa pulitika. Hinuon usa ka kabhang sa bala ang na-recover diha sa crime scene.

Sumala pa niini nga nailhan sa duha ka mga saksing tinun-an ang mga tulisan sanglit wala sila magtaptap sa ilang mga nawong.

Gisusi na karon sa kapolisan ang diskohan diin gikan ang biktima sa pagtuong dunay mga nakaila sa mga tulisan ug sa motorsiklo ‘cannibalized’ nga ilang gisakyan.

Samtang nasayran nga ang biktima sa wala pa motambong og disko nag-hurado pa kini sa usa ka beauty pageant sa dakbayan sa Bogo una pa moadto sa Daanbanatayan. – BANAT NEWS

ADAN ARCELLIAS MEDRANO APAN BAGAY DAANBANTAYAN BANAT NEWS BOGO POLICE STATION DAANBANTAYAN NATIONAL HIGH SCHOOL DAANBANTAYAN POLICE STATION DUHA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with