^

Banat Balita

3 NPA mitahan

- Ni Guam Logroño -

CEBU, Philippines - Gipangangkon sa militar nga dako’g matabang sa ilaha ug sa kapulisan sa kampanya nila batok sa insurhensiya dinhi sa Sugbu ang pagtahan sa tulo ka mga opisyal sa rebeldeng New Peoples Army (NPA) niadtong milabay’ng udto sa lungsod sa Catmon.

Ang maong mga opisyal sa rebeldeng NPA nga mibulontaryong mitahan dala ang ilang mga armas mao sila si Remegio Dagoy, 60, alyas Ka Roger, taga barangay Bungyas, Catmon; Carlito “Ian” Pautag, 26, taga barangay Cambangcaya; Teresita “Joy” Comaingking, 36, ug nagdala usab og mga alyas nga Marilyne, Lalyne, ug Belen.

Ang tulo didto mitahan kang Staff Sgt. Elioterio Basada Jr. sa Intelligence Section sa 78th Infantry Battalion sa Infantry Division nga nagbase sa lungsod sa Balamban.

Apil sa gitahan sa tulo ang ilang mga armas nga Garand Rifles ug mga bala.

Si Sr. Supt. Jesus Gaquing, director sa kapulisan sa lalawigan sa Sugbu miingon nga nakatabang kini sa kapulisan ingon man sa kagamhanan sa probinsya sa Sugbu sa kampanya   batok sa insurhensya.

Matud pa niini nga kining tanan bunga usab kini sa paningkamot sa mga sakop sa militar labi na ni Lt. Col. Raymundo Bañares ang hepe sa 78th IB pagkumbinser sa ubang mga sakop sa NPA nga mobalik sa gobiyerno.  – BANAT NEWS

CATMON ELIOTERIO BASADA JR. GARAND RIFLES INFANTRY BATTALION INFANTRY DIVISION INTELLIGENCE SECTION JESUS GAQUING SUGBU
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with