^

Banat Balita

3-anyos na-abo

- Ni Guam Logroño -

CEBU, Philippines - Na-abo ang lawas sa usa ka 3-anyos nga batang babaye human maapil og kasunog sa ilang balay niadtong Domingo sa alas 9 sa gabii didto sa barangay Don Andres Soriano, dakbayan sa Toledo.

Naukay ang mga residente sa maong dapit sa dihang kalit lang miulbo ang kalayo sa panimalay nga ginama sa light materials.

Ang bata nga si Mariel Manubag abo na sa dihang naabot ang mga sakop sa kapolisan ug kabomberohan.

Sa imbestigasyon sa kapolisan sa dakbayan sa Toledo nga giduso sa Cebu Provincial Police Office (CPPO) nasuta nga natulog na ang biktima niadtong higayona ug gikatahong adunay kandila sa altar tungod sa kasaulogan sa adlaw sa mga Santos.

Apan wala mabantayi nga na-upos ang kandila sa altar hinungdan nga ang panimalay nga ginama lang sa kawayanan dali usab kaayong gikaon sa kalayo ug naugdaw, apil na si Mariel. Si Sr. Insp. Randy Mendaros, fire marshal sa dakbayan sa Toledo nga gikahinabi sa Banat News nagkanayon nga ang 3-anyos nga si Mariel gibilin sa iyang apohan nga si Alejandra Unabia.

Gikataho nga si Unabia nakalimot sa iyang giluto nga budbod tungod kay misabat kini og pangadye makadiyot sa ilang silingan samtang gibilin lamang ang 3-anyos nga natulog nga nag-inusara.

Samtang wala usab didto ang lalaking apohan nga si Isabelo ug ang amahan sa 3-anyos nga si Arvin Manubag tungod kay nanglakaw niadtong higayona hinungdan nga wala gyud masalbar ang bata sa dihang gilamoy sa kalayo ang ilang panimalay. Ang inahan usab sa 3-anyos nga si Estela Manubag wala usab sa ilang panimalay tungod kay tua kini sa kauluhan nagtrabaho isip katabang ug gibilin lang sa ilang apohan ang bata.

Ang mga bombero nakadawat sa alarma mga alas 8:55 niadtong Domingo sa gabii ug napawong ang kalayo mga alas 9:10 samtang mokabat sa P30 mil ang danyos niini.   (BANATNEWS)

ALEJANDRA UNABIA ARVIN MANUBAG BANAT NEWS CEBU PROVINCIAL POLICE OFFICE DOMINGO DON ANDRES SORIANO ESTELA MANUBAG MARIEL MARIEL MANUBAG
  • Latest
  • Trending
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with