CEBU, Philippines - Dili pabor si Konsehal Eugenio Faelnar sa plano ni Bise Mayor Michael Rama nga tukoron ang usa ka task force sa matag barangay sa siyudad aron mag-monitor sa mga menor de edad nga mosulod sa mga imnanan ug sa ubang balay kahilayan.
Si Faelnar kinsa maoy presidente sa Association of Barangay Council (ABC) nagkanayon nga wala na kinahanglana ang pagtukod og task force sa barangay kay mahimo raman sa mga tanod kining trabahoa.
Gipasabot niya nga mas bintaha kung ang mga tanod maoy mag-monitor sa mga batan-on tungod kay kini suhito sa mga menor de edad sa matag barangay. - BANAT NEWS