CEBU, Philippines - Samdan ang usa ka mag-uuma dihang gipusil kini sa usa ka construction worker didto barangay Sudlon 1 sa miaging buntag.
Ang biktima mao si Premitivo Veraño Cantutay,24, usa ka mag-uuma nga taga Sudlon I, samtang ang suspetsado mao usab si Selcab Ebonao, molupyo sa sitio Sangi, barangay Sin-sin, ug usa ka construction worker.
Nasayran sa kapolisan nga nagbarog-barog ang biktima sa daplin sa karsada samtang nakig-estorya kini sa iyang igsoon pinaagi sa telepono dihang kalit lang mitungha ang suspetsado ug sa walay igong hinungdan gitirohan ang walang bahin sa dughan niini.
Gihatod dayon ngadto sa Cebu City Medical Center ang biktima samtang ang suspetsado gipangita pa karon sa kapolisan human kini moikyas. - BANAT NEWS