Gitaktak nga kawani "pabawnan" ni Soc?
Si Mayor Socrates Fernandez sa dakbayan sa Talisay mitataw nga iyang ipasusi una sa human resource department (HRD) kung pwede bang mapabawnan ang usa ka kawani kinsa nataktak sa iyang serbisyo tungod kay napamatud-an kining sad-an sa pagmolestiya sa usa ka job order.
Si Fernandez mibutyag nga si Alberto dela Cuesta
Base sa taho nga ang mayor nagplanong mohatag og pabawon ngadto kang dela Cuesta.
Gibutyag ni Fernandez kagahapon sa Banat News nga iyang gimandoan ang hepe sa HRD nga si Emily Cabrera nga mopahigayon og pakisusi sa civil service commission kung pwede bang mahatagan og pabawon si dela Cuesta.
Si dela Cuesta ang nataktak sa iyang serbisyo niadtong Biyernes human sa resulta sa imbestigasyon sa fact-finding committee kinsa siya napamatud-ang sad-an sa paglugos sa usa ka job order nga babaye kinsa nadestino isip manilhigay diha sa plaza.
Si Cabrera sa iyang bahin nagkanayon nga base sa Section 63 sa Omnibus Rules on Leave sa Civil Service Commission nagkanayon nga “an employee who is dismiss from the service are not barred from claiming their leave credit”.
Apan bisan pa og nakalatid kini sa balaod sa CSC mopahigayon pa siya og pakisusi aron sa pagsiguro.
Sa laing bahin si Lorte Cabrera kinsa giingong kaalyado ni dela Cuesta ang nasuspenso sulod sa tulo ka buwan sa iyang serbisyo.
Ang komitiba ang mitakda usab sa pagduso sa ilang final decision ngadto sa Ombudsman Visayas.
- Latest
- Trending
