Proklamasyon bukas binawi ng Comelec

Usa ka patay nga puya ang napalgan sa duha ka bata nga nangolekta ug basura sa Little Hawaii, Baranggay Cogon-Pardo, dakbayan sa Sugbo pasado alas sais kagahapon sa buntag.

Nangolekta ug basura sila si Aldrin Godinez ug Joseledio Tortigosa, pulos 10 anyos  ug taga Sto. Niño, Barangay Cogo-Pardo, ning dakbayan dihang ilahang nakit-an ang maong patay nga puya nga wala matarong ug lubong sa lapok.

Diha-diha niresponde ang kapulisan diin gidala dayon nila ang maong puya ngadto sa St. Francis Funeral Homes aron ipaubos kini sa post mortem examination.

Base sa imbestigasyon ni PO3 Orbiso ug mga kaubanan sa Homicide Section sa Cebu City Police Office, ang maong puya usa ka lalaki ug gibanabana nga unom ngadto sa pito ka buwan ang pangedaron niini.

Samtang sa laing bahin, laing patay nga puya na usab ang nakit-an sa usa ka guwardiya daplin sa main entrance sa simbahan sa Sto. Rosario pasado alas diyes kagahapon sa buntag.

Sirad-an na unta sa pastoral guard sa maong simbahan nga si Rodulfo Lopez Jr. ang maong agianan dihang nakit-an niya sa daplin ang usa ka plastic bag ug sa paghiling niya sa sulod niini, usa diay ka patay nga lawas sa usa ka puya.

Gi-turn-over dayon ni Lopez Jr. ang maong puya ngadto nila ni PO1 Norman Vincent Palomo ug PO1 Vidala Hermida sa Parian Police station nga nagpatrolya sa maong dapit kinsa maoy nitawag sa Homicide Section sa Cebu City Police Office.

Base sa inisyal nga imbestigasyon sa kapulisan, ang maong puya usa usab ka lalaki ug gibana-bana nga tulo ka buwan ang pangidaron niini. Ang maong puya gisulod sa usa ka plastic cup diin aduna usab kiniy rosaryohan, usa ka puti nga panty ug -tshirt ug usa ka suwat nga gibilin diin ang mensahe nag-ingon, "Palihug pangadye-i ang bata, Simon John ang pangalan sa bata."

Gidala usab ngadto sa St. Francis Funeral Homes ang maong puya aron ipaubos sa usa ka post-mortem disposition.