Motorsiklo vs van; 1 namatay

Namatay ang usa ka lalaki human ang motorsiklo nga giluwanan gisungag sa van samtang nagdagan kini subay sa National Road sa Mactan, Lapu-Lapu niadtong miaging hapon.

Ang namatay mao si Elino Sagnoy, 48, minyo nga taga Ibabao, Mactan ug gimaneho usab ni Nestor Baylosis Panales, 21, ulitawo nga taga Camella Homes ug lumad nga taga Cambaro, Alang-Alang, Mandaue.

Si PO3 Bonifacio Sumalinog sa traffic section sa kapolisan sa maong dakbayan miingon nga nagpaingon sa Punta Ingaño ang biktima ug paghidangat sa maong dapit kalit lang kining nagkasungag.

Subay sa imbestigasyon nga gihimo ni PO2 Cerilo Lagumbay maoy nasuta nga nalamba sa taliwala sa sementadong karsada ang biktima.

Dugang pa ni PO3 Sumalinog nga nakabaton og dakong kadaut sa iyang kalawasan si Sagnoy ug si Panales nga nagdali sa paghunong ang dali nga midala sa biktima sa Mactan Doctor Hospital apan namatay kini sa paglabay sa pipila ka gutlo.

Si Panales gitanggong karon sa detention cell sa kapolisan sa maong dakbayan alang sa tukmang lakang nga ilang pagahimoon.