Gitigbas sa bayaw

Natigbasan ang usa ka lalaki sa iyang bayaw niadtong Huwebes alas 10 sa buntag didto sa Sitio Pangpang, Barangay Buot-Taup, siyudad sa Sugbo.

Si Fermin Gerona Jr., 46 minyo ug lumolupyo sa Sitio Mawmawan, Babag I, nakaangkon ug samad tinigbasan sa iyang kamot ug ulo human tigbasa ni Rogelio Sabal, 57 minyo, ug bayaw sa biktima nga lumulupyo sa maong lugar ginamit ang usa ka sundang.

Sumala pa ni PO3 Fernado del Mar nga ang biktima niadto sa maong lugar tungod kay wedding anniversary sa humabdos niini nga si Jovy Lubandina uban sa maong suspetsado.

Ang suspetsado naghisgut sa iyang kaugalingon apan gisaway kini sa biktima hinungdan nga naglagot kini ug gisumbag ang suspetsado ug misuway og paak sa biktima.

Giuwang sa mga paryente ang suspetsado apan wala kini matagbaw mikuha kini og sundang ug dayong tigbas makadaghang higayon sa biktima hinungdan nga gidala na kini sa Perpetual Succour Hospital samtang ang suspetsado mitahan human sa maong hitabo.