Si Secretary Joseph Ace Durano sa DOT miingon nga nalipay siya nga bisan pa man sa nanghitabo karon sa nasud ilabi na gayud sa kaulohan wala magpabalda ang mga opisyal lokal sa ilang kalihukan.
Matud pa ni Durano nga mao usab unta kini ang angayan nga buhaton sa uban nga opisyal lokal.
Nagkanayon si Durano nga sa pagka karon gikinahanglan gayud nga magmalampuson ang kagamhanan sa kalihukan niini.
Si Durano usa sa miluwat sa katungdanan agig sanong sa panawagan ni Presidente Gloria Macapagal Arroyo.
Apan nahibaw-an nga wala dawata ni Presidente Arroyo ang resignation ni Durano og uban pa nga miyembro sa iyang kabinete nga nagpakita sa ilang padayon nga suporta sa iyang administrasyon.
Gipasalig ni Durano nga magpadayon ang iyang kalihukan pagdani sa mga turista nga mupadayon sa ilang pagduaw sa nasud.