Nobiyembre 3 Space dog

CEBU, Philippines - 1957—Niining petsaha nahimo sa tawo ang pagpadala sa labing unang mananap ngadto sa kawanangan luwan sa Sputnik 2 . Ang irong Siberian husky nga ginganlan og Laika nga nangahulogang ‘paghot’ gipasakay sa spacecraft nga wala gidesenyong tibuok gihapon nga makabalik sa yuta. Ang resulta, nakabalik ang spacecraft sa yuta apan nabungkag kini nga miresulta sa kamatayon ni Laika. Tuyo sa mga siyentipiko sa Russia nga masayran ang epekto o reaksyon sa usa ka kinabuhi diha sa kawanangan tungod kay ilaha kining himuong basehan sa plano nilang pagpadala og labing unang tawo sa kawanangan. Si Laika nabuhi sulod sa 162 ka adlaw didto sa kawanangan ug gi-rekord kini dinhi sa yuta. Ang Sputnik 2 nga 508 kilo ang gibug-aton mao ang ikaduhang ginama sa tawo nga nakaabot sa kawanangan sunod sa Sputnik.  Niadtong Abril 12, 1961 ang Russian cosmonaut nga si Yuri Gagarin maoy labing unang tawo nga nakaabot sa kawanangan luwan sa Vostok 1. (BANAT NEWS)