Prosecution team, isusulong ang pagsasalin sa iba’t ibang wika sa impeachment trial
MANILA, Philippines — Isusulong ng prosecutiton panel na gumamit ng lengguwaheng Pilipino at maging ng salitang pang-rehiyon sa gaganaping paglilitis sa impeachment laban kay Vice President Sara Duterte upang mas maintindihan ng sambayanang Pilipino ang makasaysayang paglilitis.
“I wish to formalize as well on this upcoming pre-trial conference, the possibility of us, the prosecutors, and even the defense, to use Filipino language when the same is possible,” ani lead-Prosecutor at Batangas Rep. Gerville Luistro.
Ayon kay Luistro, kinikilala niya ang ilang legal na konsepto na mahirap itong isalin pero nais ng prosecution panel na higit na maging accessible ang proseso para maunawaan ng publiko dahilan ang impeachment ay isang konstitusyonal na proseso na direktang nakakaapekto sa mamamayang Pilipino.
Nais din ni Luistro na ipasalin sa mga rehiyonal na lengguwahe ang mga kaganapan sa isasagawang paglilitis ng Senate Impeachment Court laban kay VP Sara.
Inamin naman ng spokesman ng Prosecution Team na si Lanao del Sur Rep. Zia Alonto Adiong na pinag-uusapan na ito sa communication team ng kanilang grupo dahil inaasahan aniya na maraming technical at legal arguments at terminolohiya na hindi naiintidahan ng mga Pilipino kaya nais ng mga ito na isalin ito sa mga regional-languages.
- Latest
