Mga lumang dyipni, hindi na dapat irehistro ng LTO
Nararapat lamang na i-phase out na ang mga lumang dyipni na may edad 15 taon pataas. Mga bulok na ang mga dyipning ito at nararapat nang ibenta sa junkshop. Kadalasang ang mga dyipning ito ang nagbubuga nang maitim na usok na lumalason sa ating kapaligiran. Ang mga dyipni ring ito ang madalas maka- aksidente sapagkat nawawalan ng preno. May mga nasasagasa-ang pedestrian at sasakyan. Karamihan din sa mga dyipni drayber ay walang disiplina at nagbababa at nagsasakay sa mga bawal na lugar. Sa gabi, hindi nag-iilaw ang mga drayber na ito kaya may nababangga.
Isa sa dapat gawin ay huwag nang irehistro ng Land Transportation Office (LTO) ang mga lumang dyipni. Kung ganito ang gagawin, mapipilitan na ang operator na dalhin na sa junk shop ang bulok niyang dyipni. — RAFFY SOLIAS, Gelinos St. Sampaloc, Manila
- Latest