Mister lasog sa dynamite fishing

TUGUEGARAO CITY, Cagayan, Philippines -   Nagkalasug-lasog ang 31-anyos na mister matapos itong masabugan ng dinamitang ginagamit niya sa pangingisda sa laot ng Barangay Surngit, bayan ng San Juan, Ilocos Sur kamakalawa.? Kinilala ni P/Supt. William Nerona, tagapagsalita ng Ilocos Sur PNP ang biktima na si Gladlee Ford Vitamog ng  Barangay Dardarat sa nasabing bayan. Ayon kay Nerona, pinaniniwalaang sumablay sa pagtapon ng dinamita ang biktima kaya nasabugan. Isa si Vitamog sa mga nangingisda sa illegal na paraan kung tawagin sa nasabing lugar ay “Bungbong.”? Narekober sa bangka ang biktima na may 100 metro layo mula sa laot.