Umbagerong mister, ipinakulong ni misis
MANILA, Philippines - Kalaboso ngayon ang isang mister matapos na ireklamo ng kanyang misis kaugnay sa pambubogbog sa kanya sa loob ng kanilang sa Marikina City, kahapon ng umaga.
Nakatakdang kasuhan ang suspek na si Michael Gayatin y Pasturan ng #38-C Helena Street, Sta. Teresita Village sa Brgy. Malanday, Marikina City.
Sa reklamo sa pulisya ng biktimang si Marita Gayatin, sinabi nito ang pambubogbog sa kanya ng suspek ay naganap dakong alas-11 ng umaga kahapon sa loob nang kanilang bahay.
Ayon sa misis, umuwing senglot ang suspek kaya sinita niya ito at pinagsabihan.
Gayunman, nagalit ang suspek kaya naganap ang pambubogbog kung saan binato pa ng paso sa ulo kaya nasugatan ang biktima at napilitang ipaaresto at ipakulong.
Nakakulong ngayon ang suspek sa himpilan ng pulisya dahil sa kasong multiple physical injuries.
- Latest
