Mga dating katrabaho ni Kris masama pa rin ang loob

SEEN: Dadalhin ni Robin Padilla sa US Embassy ang dokumento ng absolute pardon na ibinigay sa kanya ni President Rodrigo Duterte dahil baka makatulong ito para mabigyan siya ng US Visa.

SCENE: Hindi nagpainterbyu si Kylie Padilla sa mga reporter na bumisita kahapon sa set ng Encantadia kaya nagkaroon ng duda na iniwasan niya na magsalita tungkol sa pagbabalikan nila ni Aljur Abrenica.

SEEN: Kinumpirma ng direktor na si Mark Reyes na mapapanood hanggang sa February 2017 ang Encantadia.

SEEN: Ang presscon kagabi para sa Miss Universe 2016 sa isang five star hotel sa Makati City. Opisyal na ipinahayag sa presscon na gaganapin sa Pilipinas sa January 30, 2017 ang Miss Universe 2016.

SCENE: Tumanggi si Sanya Lopez na pangalanan ang kapwa artista na constant date ni Rocco Nacino dahil kaibigan niya ang aktres. Para sa fans lamang ang mga pampakilig kilig tweets nina Sanya at Rocco.

SEEN: Negative ang resulta ng biopsy test kay ex-Senator Bong Revilla, Jr. kaya nagpapasalamat ang pamilya niya sa lahat ng mga nagdasal para sa kalusugan ng detained actor.

SCENE: Biktima uli ng bashing si Kris Aquino dahil sa pahayag niya na ayaw na sa kanya ng ABS-CBN.

SEEN: Hindi alam ng publiko na nawalan ng trabaho ang staff ng KrisTV dahil sa biglaang desisyon ni Kris Aquino na magpahinga kaya marami ang nagtatampo sa kanya.