Pacman pumirma na uli ng kontrata sa GMA 7

MANILA, Philippines - Isang masaganang dinner gathering ang ibinigay ng Kapuso network sa kanilang talent, si People’s Champ Manny Pacquiao kamakailan.

Dinaluhan ito ng mga kaibigan at industry partners sa media at advertisement. Pinangunahan nina GMA Network chairman, president and CEO Felipe L. Gozon, EVP and COO Gilberto R. Duavit, Jr., at top executives Marivin Arayata, Redgie Magno, at Butch Raquel, kasama rin sina Solar Entertainment chairman and CEO William Tieng at presidente Wilson Tieng na nagbigay ng tribute sa tagumpay ng Pambansang Kamao.

Nagkaroon ng musical program na mismong si Manny ay nagpaunlak ng kanta. Si Paolo Bediones ang nag-host habang sina Sexbomb girl Rochelle Pangilinan, Time Capsule Band, at Jay-R naman ang mga performers. Naki­saya rin ang iba pang Kapuso stars na sina Dingdong Dantes, Alfred Vargas, Paolo Contis, Maxene Magalona, at German Moreno at mga broadcasters na sina Mel Tiangco at Mike Enriquez.

Ang pinaka-highlight ng buong programa ay ang pagse-selyado ng panibagong partnership nina Manny, GMA Network, at Solar Entertainment sa isang contract-signing. Ang maganda pa, nag-renew uli si Manny ng kontrata niya sa GMA Network bilang talent pa rin ng istasyon. Nakatakda na niyang simulan ang isang bagong comedy sitcom na makakasama niya ang mga kaibigan, si composer Lito Camo at dating Olympian boxer Onyok Velasco.

Sabi ni Wilson sa kumpareng si Manny, “Through good times and bad, we have never left your side. Solar shall always be behind you to celebrate your finest moments in and out of the ring, and to support you in your future conquests. We are proud to be your exclusive presenter.”