Crips ug Bloods misiaw

“Hinahanap pa rin pero hindi na ganun ka active. Kasi ang iba hindi nila hinahanap pero nakita o nagpakita, so sabi   ko, sige nga huwag kong hanapin,” pong pa ni Matt Evans o mas naila karon sa tibuok nasud, ilabi na sa mga bata isip Pedro Penduko. Si Matt nahinabi sa  Banat Hugyaw kagahapon sa udto sa Lighthouse Restaurant sa Mango Avenue sa wala pa siya ug si Jennylyn Mercado mobiyahe paingon sa Bogo alang sa “A Million Thanks Raffle Promo” sa Gaisano Main, Bogo, Talamban ug Countrymall. Siya ang ‘Amboy” nga unang naila sa publiko pinaagi sa Pinoy Big Brother Teen Edition sa ABS-CBN, nga nangita sa iyang amahan nga Amerikano. Usa ka tuig human niya nakuha ang address ug numero sa telepono sa iyang gituohang amahan, wala gihapoy positibo nga resulta, busa matud pa niya kagahapon dili lang una niya pangitaon.

Sa “ Bahay ni Kuya” pod namugna ang paghinigugmaay nila ni Olyn Meimban, ug matud ni Matt nagkalig-on ang hapit na mag-tuig nila nga relasyon. Si Melissa Ricks, produkto sa Star Circle Batch 1 ang iyang loveteam ug matud ni Matt, walay bisan usa ka higayon nga nangabubho si Olyn sa nahauna. “Texmates nga silang dalawa. Never siyang nagselos ni Melissa.”

Kinsay magdahom nga bisan og dili siya maoy Big Winner magmalampuson usab ang labing una niyang TV project, mismo si Matt niangkon nga wala pod siya magtuo nga molungtad og ingon niini kadugay ang “Pedro Penduko.” Sa pagdagan sa istorya, duna nay mga nadugang nga mga artista sama nila ni Denise Laurel, Makisig Morales, Aahron Villaflor, Maja Salvador ug Oyo Boy Sotto. Unsay gibati ni Matt   nga unom naman silang bida? ‘ Nung nalaman ko masaya ako kasi namiss ko rin yong mga ka berks ko. So parang nagkaroon kami ng tropahan na lumalaban.

Dili basta-basta ang kaatbang nga mga programa sa Pedro Penduko-Lastikman ug Bitoy’s sa GMA-7. Ang rating matud pa niya, bawos-bawos lang, usahay sila maoy taas ug dunay panahon nga makalabaw ang kontra. “ Natsa-challenge kami na pagandahin ang programa but on the right way,” pong pa ni Matt. Gibutyag pod niya nga duna na siyay movie offers, apan Pedro Penduko lang una ang iyang focus.”Light comedy action’ ang matang sa pelikula nga buot niyang gam-on sa umaabot.

Usa ka tuig human sa PBB matud ni Matt nga, “ financially mayron na akong naipon, mayron na rin akong brand new Toyota Innova at materially mayron na rin akong naipundar sa bahay.” Hinungdan nga matud pa niya trabaho una siya og maayo samtang init pa siya nga produkto sa showbiz.

Mga dagway ni ‘Darna’

Good day mga kaBischika! Mwah! Una sa tanan, I would like to thank all who sent me messages sa Yurhotline.  As in grabeh gyud kadaghan akong mga nadawat ug nabuntagan gyud kog basa ini but bisan puyatan ang show, lingaw gihapon kaayo.  Para sa mga wa pa nako marebawsi, xenxa na . . . hehehe . . . sige lang kay tubagon gyud ta mo tanan.  Pero mo special mention gyud ko this week nila ni Raymund of Lapu-lapu City, ni Vinskie of Carcar ug ni Trish of Talisay City kay na-touch gyud ko sa ilang gipangtext.  Inyong requests ug mga gusto, atangi lang sa inyong show ug syempre diri sa Banat Hugyaw.  Salamat kaayo ninyo ug sa uban nga aw nako ma-mention karon, sa sunod higayon na pud.

Ug di lang kay silang tulo ang akong hisgutan karon sa Bischika kay naa pud koy kaBischika sa Danao nga si Nickanor nga mirequest through Yurhotline.  Kini si Daddy Nick, dramaturgo kuno ni siya sa iyang panahon kaniadtong 70s ug 80s.  Chika kaayo mi noh? Hehehehe.  Ug miingon pa gyud siya nga karong mga panahona, nihit na kaayo ang mga drama ug panagsa nalang kini mapasundayag sa mga baryo-baryo.  So to make the long chika short, mirequest siya nga ang iyang pagasundan nga dramarama sa hapon sa GMA 7 nga Sinasamba Kita, i-acting-acting kuno namo.  So to which mireply sad ko ug miingon nga ‘Oi! Show Nato Ni!” Layshu, mugna gyud dayun ang production sa Oi! og sama sa iyang paboritong drama pero para dili purely drama ang dating, naay gamay’ng twist nga gimugna.  Unsa kini? Basta, i-Bischika nalang unya ko kung kita na mo.  I-text lang inyong comments sa YurHotline 09166471892 or email sa [email protected] or [email protected]. Hehehehe.  Daddy Nick and to the rest nga nagsige og subay sa Oi! timan-i, this is your show! 

 Tagaan ta mo og clue ha, basta di gyud mawa ang inyong pirmi atngan nga Oi!CHIX, Oi!Barkada, ang atong Oi!Bestfriend nga si Abby ug syempre ang heartthrob nga si Benjamin ug ang wa’y laing reyna sa Roleta, Tak-attack ug Mommysita nga si Ate Recca!  Second clue, kay buwan man sa kabuwakan, Ma’ayong Mayo kaayo ang tanang makita ninyo sama sa mga ngilngig nga University of Cebu talents.  So, turn on your tv sets ug wanatch na!

* * *

Sa laing bahin usa ka malampuson nga pasundayag ang akong nasaksihan nga perting okaya nako ug na-hugyaw ang akong pagka girlalo sa miaging semana sa UC Theater Workshop Company inubanan sa UC Banilad Students Affairs Office ug UC Cheerdance Team “Ang Duha-Duha sa Ting-init, “duha ka istorya ug duha-duha kay puno sa pagduha-duha sa atong pagkatawo, gaduha-duha sa pagbati nga dili masulti sa usag–usa. Pak! Gaduha-duha namo sa inyong gihuna-huna? Hehehe.  Padayun lang.  Ang unang istorya kay “Bisekleta.” Kini mahitungod sa duha ka mag bestfriend nga mga kiki o boys nga sila si Byron ug Cyril nga sa katapusan ilang gi angkon nga duna diay silay  gitago nga pagbati alang sa usag-usa.  So mao nani karon ang mga mag bestfriend nga mga lalake diha double check basin in love na nimo ang imong amigo or ikaw mismo pud love na nimo siya in other way around.  hahahhaha! Sa mga nisaksi nagpasalamat og dako si Sir Rudy Aviles nga maoy nangulo sa maong dula ug siyempre Kudos sa tibuok cast hilabi na silang Brander Ian Eval, Keemie Kate Sacedon, Eldryn Padigos,Albert Igcas ug Roy Angelu Batula ug sa akong friendship nga si Eluever “ Mishka” Cornella nga perteng balitok og emote. Layshu!.

Ikaduhang istorya kay ‘Rayna-Rayna’. Istorya kini sa tulo ka magbestfriend nga sila si Floro usa ka parlorista ang akong paborito nga character ug gusto moapil og Miss Gay kalag-kalag, si Dino nga transvestite nga perteng angayana nga babaye in real life pero natagaan niya og kinabuhi ang character as usa ka gamhanan o girlaloo nga magminyo sa usa ka hapon, ug si Chonito ( gwapo siya in person infairness ) nga usa ka professional nga nagtago sa pagkabayot. Pak! Nag-abot ang tulo ug ang usag usa nila naay mga problema. Imong ma-realize nga importante ang pagdawat sa imong kaugalingon kung unsa ka. Usa ka linya ang nitatak nako “gipakatawo kang bayot, nagpakabuhi ka nga bayot, ug mamatay kang bayot!” in other way around ang pagdawat nimo niini mao pud ang pagdawat sa katilingban nga atong nahimutangan. Ug dili lang na mga sisters matod pa nila ang pagkabayot pagbuot ni God  kay kung kita na ang mopanaw aning kalibutana motabang ta pag-decorate sa langit ug sa pag-choreograph sa mga production numbers sa mga angels. Hahahahah. Ug watch out sa wala pa nilugwa diha kung dili ka makasulod sa langit maglatay-latay nalang ka sa rainbow. Pak!  Or kung di gani, forever nalang kang naa sa imong aparador! Hehehehe! One more thing, ni-Bischika diay among writer sa Oi! nga unsaon nalang kuno ang mga lesbi kung sila malangit . . . ug sa katong wa pa gyud kapagawas sa ilang gibati, mahimo nalang ba kuno nga forever nalang pud sila sa ilang birdcage?! Paet! Hehehehe! Tell me what you think through Yurhotline! Sunod semana na sad. Mwah!!!

Congratulations sa pinakahugyaw(pinaka jud ateh?)sa tanan-Ryan Mark, usa na ka tuig ang iyang radio program nga OkRyan sa dyLA 909Khz matag alas tres sa hapon hangtud alas kwatro sa hapon ug mapasalamaton kaayo ko sa pag-invite sa akong beauty kuyog ang maanyag nga si Natalie Tomada sa Freeman and of course si DJ Ram ang hari sa Bisrock among gituyok ang lamisa kung si Ryan ang magsige duki duki sa kinabuhi sa iyang mga guests this time iyang life napud ang among gikay-kay.

Lingaw ug makahugyaw gyud kay for the first time akong nakita si Ryan Mark nga gipaningot og dagko.Alangan noh? Dili sington kay gipangutana gud asta ang iyang lovelife! Happy 1st year Anniversary to Okryan and I wish you more years to come. Okryan  your show,our show, where real stars really shine! Pak!

Fil-American, host sa MU 2007

Fil-am ang mo-host sa Miss Universe 2007 sa Mexico karong May 28.Kini maoy nasayran sa Banat Hugyaw kagahapon. Siya mao si Vanessa Joy Minnillo.

Nasayran nga Irish-Italian ang iyang amahan ug Filipina ang iyang inahan, apan sa American ang iyang citizenship. Siya maoy napili nga Miss Teen USA 1998, ug tungod niini nmagsunod-sunod ang maayo niyang projects.

Nahimo siyang host sa MTV Total Request Live, UK’s Top of the Pops, Miss USA pageant ug daghan pa.

Kasamtangan siya nga New York based correspondent sa Entertainment Tonight, ang numero unong syndicated newsmagazine sa tibuok kalibutan.

Gawas sa hosting, duna na pod siya’y TV guestings, ug gipaabot siya nga makita isip love interest ni Chris Evan sa Fantastic Four: Rise of the Silver Surfer. Milugwa na pod siya isip cover girl sa nagkadaiyang magazines, usa na niini ang Maxim.

Samtang usa sa mga hurado sa nahisgutang indigay sa kaanyag mao si 1993 Miss Universe Dayanara Torres, o Yari dinhi sa Pilipinas niadtong dinhi pa siya nagbase ug nag-artista.

Sis suspendido

Posibling masuspenso ang  “Wowowee” noontime tv show sa ABS-CBN nga giduma ni Willie Revillame human usa sa mga dancers ang nasakpan nga nipakita sa iyang dughan samtang nagsayaw niadtong May 12.

Ang dancer giila lamang nga si Ella, ug suma pa sa mga ahente sa Movie and Television Review and Classification Board (MTRCB), ang gibuhat niini sentibo ug dili haom sa maong oras.

Pagkakaron gipaabot pa ang tubag sa producer sa show, human usab sa gipahigayon nga hearing tali sa mga sakop MTRCB sumapa ni chairperson Marissa Consoliza P. Laguardia.

Human makaduso og position paper ang producer, tukion kini sa mga sakop sa MTRCB sulod sa usa ka semana una pa moluwat og desisyon kun suspensihon ba ang maong show, base usab sa nalatid sa balaod.

Sayo niini, suspendido og usa ka adlaw nga mahitabo sa May 28 ang morning show sa GMA-7 nga “Sis” diin sila si Gelli de Belen, Carmina Villaroel ug Janice de Belen ang mga hosts.

Naggumikan ang maong suspension sa reklamo sa usa ka deputized agent batok sa April 30 episode sa Sis nga giulohan og “Anghang ng Bedroom, Talk Patok na Patok”, kabahin kini sa pakighilawas nga dakong supak sa patakaran nga gilatid sa MTRCB.

Suma pa ni Laguardia nga ang maong hisgutanan tali sa mga magtiayon, lakip na ang may kalabutan sa sex, labihan ka sentibo ug wala mahaom sa 10:30 a.m. time slot diin labihan kadaghang mga bata ang magmata sa palibot.