Life Pro Tips

(Part 3)

Nakatakda kang magbigay ng speech? Ganito ka magpraktis: Isubo mo ang ballpen. Basahin ng malakas ang speech habang may nakasubong pen. Ang paglaban ng iyong dila laban sa bigat ng pen habang ikaw ay nagsasalita ay makakatulong upang mabigkas mo nang tama at malinaw ang bawat salita.

Kapag kinukunan ng litrato ang mga bata, sabihan mo sila na magsalita ng “Ha-Ha-Ha” sa halip na utusan silang ngumiti. Mas lalabas ang natural na kaligayahan sa kanilang mukha.

Kapag queen size ang size ng inyong bed, mas malaki dapat ang size ng inyong comforter: King size, upang maiwasan ang “paghihigitan” o pag-aagawan ng mag-asawa. Kung King size ang bed, king duvet dapat ang size ng comforter.

Kapag nakakatanggap ng unwanted calls, i-save ang number at lagyan ito ng pangalan. Halimbawa: buwiset 1, buwiset 2, buwiset 3…para may palatandaan ka ng numbers na hindi dapat sagutin.

Kung hilig mong makinig ng music habang nagtatrabaho, ang gamitin mo ay videogame soundtrack. Dinisenyo ito para maging background music na hindi makakaabala sa iyong focus sa trabaho.