KC tumutulong kina Sharon at Robin!

Hindi naman siguro magtatampo si Gabby Concepcion sa comment ni KC Concepcion na “LOVE THIS TANDEM!” sa post ni Sharon Cuneta ng collage ng movie posters na ginawa nila ni Robin Padilla. Kung talagang love ni KC ang tambalan ng mom niya at ni Robin, walang magagawa si Gabby.

Kasama sa poster na ipinost ni Sharon ang poster ng reunion movie nila ni Robin from Star Cinema na Unexpectedly Yours. Showing na ito sa November 29 sa direction ni Cathy Garcia-Molina.

Bukod sa reunion movie nina Sharon at Robin, isa ang Unexpectedly Yours sa last two movies na gagawin ni direk Cathy bago siya mag-retire sa showbiz. Nakapagdesisyon na ang director, pero malay nating lahat na magbago pa rin ang isip niya.

Sabay din palang ipinu-promote ni Sharon ang love team nina Julia Barretto at Joshua Garcia na kasama nila ni Robin sa pelikula.

My Fairy Tale...sa isang taon na mapapanood

Hindi pa rin alam ni director Perci Intalan kung kailan ang showing ng My Fairy Tail Love Story na intended sana para sa 2017 Metro Manila Film Festival (MMFF), pero hindi napili. Nang makausap si direk Perci sa teaser shot ng Born Beautiful, sabi nito, sina Mother Lily at Roselle Monteverde ang magde-decide kung kailan ang playdate ng pelikula nina Janella Salvador at Elmo Magalona.

Ang sabi lang ni direk Perci, baka isunod ng Regal ang showing ng My Fairy Tail… sa Haunted Forest, ang horror movie ng Regal na nakapasok sa 2017 MMFF. Kapag na-extend ang showing ng entries sa filmfest, mauurong din ang showing ng My Fairy Tail... 

Ruru at Khalil tuloy hanggang social media ang kumpetisyon kay Gabbi

Open na ang comments box ng Instagram (IG) ni Gabbi Garcia na ilang araw ding in-off para makaiwas sa bashers dala ng isang insidente sa Bench fashion show. In-open ni Gabbi ang IG niya nang mag-host ng Chika Minute segment ng 24 Oras.

“Nerve racking but definitely fun,” ang description ni Gabbi sa first time niyang pagho-host ng segment.

Gandang-ganda rin ang viewers kay Gabbi that night.

Nakatawag pansin sa followers ni Gabbi sa IG ang comment ni Ruru Madrid na idinaan sa emoji na puro puso. Hindi nagpatalo ang nali-link din kay Gabbi na si Khalil Ramos na emoji naman ng kamay na pumapalakpak at rocketship.

Samantala, nagsimula nang mag-taping sina Gabbi at Ruru ng wala pang title na primetime show sa GMA 7. Ka-love triangle nila si Janine Gutierrez na bina-bash na ng ibang fans nina Gabbi at Ruru, mabuti at nag-comment at nag-post agad si Gabbi ng “Stop the hate.” Ang iba fans kasi, masyadong dinidibdib ang pagiging fan.

Angelika hindi marunong ngumiti

Tama si Angelika dela Cruz na kaiinisan ang role at karakter niya sa Trip Ubusan: The Lolas vs. Zombies dahil laging sumasalungat at hindi marunong ngumiti. May parte lang sa movie na natuwa ang mga nakapanood kung saan iniligtas niya si Ryza Mae Dizon sa mga zombie at ginustong maging zombie gaya ng asawa niyang ginampanan ni Joshua Zamora.

Showing na simula this Wednesday ang Trip Ubusan na idinirek ni Mark Reyes. Hindi lang takot ang bigay ng pelikula nina Jose Manalo, Wally Bayola, at Paolo Ballesteros, dahil matatawa at iiyak din ang moviegoers.

Samantala, hindi rin masabi ni Angelika kung kailan magtatapos ang Ika-6 Na Utos. Hanggang December ang kontrata niya na exetension ng original contract niya na dapat hanggang August lang. Kaso nag-klik ang karakter niyang si Geneva, kaya nagtuluy-tuloy na.