Mocha ipinagtanggol ni Martin hinatak din sa New York ni Sec. Cayetano!

Sosyal, kahit binabanatan sa fake news

Kung hindi ko pa inawat ang mga reporter, hindi sila titigil sa pakikipag-usap kahapon kay PCOO Secretary Martin Andanar.

Eh may lakad pa si Papa Martin kaya ipinahinto ko na ang pakikipagtsikahan portion niya sa showbiz press na hindi nauubusan ng mga itatanong.

Hindi rin matapus-tapos ang mga photo op request nila kay Papa Martin na dinaig pa ang isang sikat na matinee idol.

Para mag-request ng photo op ang mga supladita at supladitong showbiz reporters, isa lang ang ibig sabihin, magaan ang loob at type nila si Papa Martin.

Actually, naloka ako kay Papa Martin dahil alas dose ng tanghali ang imbitasyon sa entertainment writers pero early bird siya ‘ha?

Hindi ko ine-expect na ganoon ka-professional si Papa Martin na gumigising ng 5 a.m., every day.

Maraming isyu na sinagot si Papa Martin tulad ng mga kontrobersya na kinasasangkutan ni Mocha Uson, ang controversial assistant secretary ng PCOO. Sosyal si Mocha dahil nasa New York siya, kasama si DFA Secretary Alan Peter Cayetano.

May blessing ni Papa Martin ang pag-alis ni Mocha as in may travel order ito. Si Secretary Cayetano ang personal na humiling na isasama niya sa New York si Mocha dahil sangkatutak ang followers nito. Malakas daw talaga si Mocha sa Pinoy community sa Amerika.

Tunay na ugali ni Pres. Digong ibinunyag ni Papa Martin

Mahigit isang taon nang PCOO secretary si Papa Martin at enjoy naman siya sa kanyang mga ginagawa, kesehodang madalas na nalalagay sa kontrobersya ang government agency na pinamumunuan niya.

Take note, hindi affected si Papa Martin ng fake news dahil hindi naman daw siya nagbabasa ng fake news.

Regular ang komunikasyon ni Papa Martin kay President Rodrigo Duterte, lalo na kapag naririto sa Maynila ang pangulo.

Sa mahigit sa isang taon na pagsasama nila, kilalang-kilala na ni Papa Martin si Papa Rody na very transparent at mahilig magbiro.

“He’s a very very sincere, competent and a very patriotic person. That’s what I can say and he just wants the best for this country and he just wants us to move forward.

“If he did it in Davao, that’s what he’s doing here. There are people that maybe affected by the president’s pronouncements but I tell you, everything that he does is for the Filipino. We can see the changes.

“He’s really funny. Kapag nasa cabinet meeting kami. Ganoon din, nagdyu-joke siya, nagpapatawa pa rin siya.

“Ganoon talaga siya magsalita but you know… for example, all the cabinet members are there, mga thirty, we start the cabinet meeting at 2 p.m., 3 p.m. It goes all the way to 11 o’clock.

“Halimbawa, ikaw, you prepared your presentation as in makikinig talaga siya, all the way and he puts so much premium, he appreciates a well prepared presentation. The president is a macro-manager so he gives us elbow room to do whatever we do,” ang sabi ni Papa Martin na may oras para sa kanyang favorite sport, ang surfing.