Nadine Lustre itinanghal na ‘2017 sexiest woman’
MANILA, Philippines – Uwian na dahil may nanalo na!
Opisyal nang itinanghal na ‘Sexiest Woman in the Philippines’ si Kapamilya actress Nadine Lustre ng isang men’s magazine.
Inanunsyo ng FHM Philippines ang pagkapanalo ni Nadine ngayong Huwebes sa kanilang website matapos siyang makakuha ng 491,039 votes o 9.85% ng kabuuang boto.
Mula third place noong nakaraang taon ay unti-unting umakyat ang pangalan ng aktres sa top spot.
“Nadine's ascension to the Throne of Sexy comes as no surprise—not only does she have the most loyal fans, she also has the glowing assets to show for it,” pahayag ng FHM Philippines.
Samantala, pumangalawa naman si Kim Domingo na may 450,192 o 9.03% ng boto na kamakailan ay naglabas ng kauna-unahang niyang photo book na State of Undress.
Pasok sa third place si Rhian Ramos (359,405 o 7.21%) habang bumaba sa fourth place si last year’s sexiest woman Jessy Mendiola (350,182 o 7.03%).
Panlima naman si Ellen Adarna na nakakuha ng 320,391 votes o 6.43% na sinundan sa sixth at seventh place nina Jennlyn Mercado (318,273 o 6.39%) at Angel Locsin (248,192 o 4.98%).
Kasama rin sa top 10 sina Liza Soberano (201,925 o 4.05%), Maine Mendoza (200,182 or 4.02%), at Solenn Heussaff (180,294 o 3.62%).
- Latest
