Heart susubukan ang friendship nina Solenn at Rhian, Ruru at Phytos
MANILA, Philippines - Susubukin ni Heart Evangelista-Escudero ang tatag ng pagkakaibigan nina Taste Buddies Solenn Heussaff at Rhian Ramos; at ng mga makikisig na Encantadia heartthrobs na sina Ruru Madrid at Phytos Ramirez ngayong Linggo (June 18) sa Follow Your Heart.
Sa “Duck Capital of the Philippines” sa Victoria, Laguna masusubukan ang friendship nila. Egg-citing ang kanilang magiging challenge kasama ang kanilang host families na nagtatrabaho sa itikan at itlugan farm.
Sina Solenn at Rhian masusubukang manguha ng itlog at magpakain ng itik. Ano kaya ang diskar teng gagawin nila para mahuli ang mga nakawalang itik habang sila’y nagpapakain?
Samantala, bago pa mapakain nina Ruru at Phytos ang kanilang alagang mga itik, kailangan pa nilang manguha ng suso sa Laguna de bay. Kailangan din nilang mag ag-ag o mag-alis ng dumi sa suso bago ito ipakain sa mga itik. May nadiskubre pa ang Encantadia boys na dance moves para magawa ito, ano kayang kembot ang gagawin nila?
Bawat trabahador daw sa itikan ay may toka na gawain. Kakayanin kaya ni Heart ang challenge para sa kanya ngayong linggo?
Bukod sa trabaho, susugod din sa bahay ng kanilang host families ang mga magkakaibigan. Kailangan pa rin nilang galingan sa gawaing-bahay. Pero ang matinding labanan ay ang paghaharap nila sa fun games para manalo ng P50,000.
Huwag palalampasin ang ultimate test ng relationship goals—Follow Your Heart, tuwing Linggo, 5 p.m. sa GMA 7.
- Latest