Jennylyn hindi apektado kay Jessy!

Wala naman palang ilangan factor sa pagitannina Jennylyn Mercado at sinasabing current ng ex niyang si Luis Manzano.

Ayon kay Jennylyn wala nang ganun. Madalas nga raw silang magkita sa mga event ng pareho nilang ini-endorse na Avon and Tanduay.  “Wala. Bakit naman magkakaroon? Anong meron?,” sagot niya kahapon nang ma­tanong siya sa presscon ng Superstar Duets.

Anyway, magsisilbing host ang Ultimate Star habang panel of judges naman sina comedian/TV host Allan K, Traffic Diva Aicelle Santos at ang Asia’s Romantic Balladeer na si Christian Bautista sa Superstar Duets.

Sinabi ni Jennylyn na hindi na niya maitago ang kanyang excitement na hindi lang maging bahagi ng kakaibang comedy/singing competition na ito kundi masaksihan din kung paano gagawin ng mga contestants ang kanilang performances.

“I’m really excited and looking forward to this show.  I know it’s going to be fun kasi singing contest siya na celebrities ang contestants. Aabangan ko kung paano gagawin ng mga contenders ‘yung performances nila plus yung superstars na makakaduet nila ay magagaling talaga,” pagbabahagi ng mahusay ding aktres.

Pia hindi tuloy sa Next Top Model

Itinanggi ng Director of Talent Department for Miss Universe na si 2015 Miss Universe Pia Wurtzbach ang magiging host ng bagong edition ng Asia’s Next Top Model na dating hino-host ni Georgina Wilson.

Ayon sa press statement ng Miss U, wala silang natatanggap na invitation para mag-host si Pia ng nasabing model search.

“All inquiries and requests for Miss Universe appearances and bookings are sent for my attention. Having Ms. Wurtzbach take part in the [AsNTM] series would be great, [but] I have not received an invitation for consideration,” sabi ni Esther Swan ng Miss U.

Lumabas kamakailan na si Pia ang napisil dahil sa ipinost niyang message at sa lumabas na photo na siya na nga ang bagong host pero obviously ay hindi pala galing sa kampo nila.