Jaclyn Jose best actress ng Cannes!

MANILA, Philippines — Nagbunga ang galing sa pag-arte ng beteranang aktres na si Jaclyn Jose matapos siyang kilalaning best actress ng Cannes Film Festival para sa pelikulang “Ma’Rosa.”

Ito ang kauna-unahang pagkakataon na may isang Pilipino na nakilala ang pag-arte sa prestihiyosong film festival.

Dinaig niya ang mga kilalang international artists na sina Charlize Theron (US entry "The Last Face" directed by Sean Penn) at Marion Cotillard (France's "Mal de Pierres" / "From the Land of the Moon" directed by Nicole Garcia).

Laking gulat ni Jaclyn nang siya ang tinawag para sa naturang award.

Isinama niya sa stage ang kaniyang anak na si Andi Eigenmann at ang director na si Brillante Mendoza.

"I am so surprised. I just went to walk on the red carpet with my daughter," pahayag ni Jaclyn na hindi mapigilan ang halu-halong emosyon sa natanggap na pagkilala.

Pinasalamatan din niya ang jury na namili ng mga nanalo sa film festival.