XB Gensan ng It’s Showtime kampeon sa International Dance Competition

MANILA, Philippines – Itinaas ng XB Gensan ang bandera ng Pilipinas nang itanghal silang kampeon sa Dance2Dance World Streetdance Showcase Competition 2015 na ginanap sa Zurich, Switzerland noong Linggo. Tinalo nila ang mga grupo mula sa Russia, na hinirang na 2nd placer, at USA na itinanghal naman na 3rd placer. Sa isang skype call sa It’s Showtime hosts, lubos na nagpasalamat ang hiphop dance group sa papuri at suportang kanilang natanggap mula sa madlang people at netizens. Nakabalik na sila ng bansa noong Sabado.

Matatandaang nanalo ang XB Gensan bilang kauna-unahang It’s Showtime champions noong 2010 at regular nang naging parte ng palabas mula ng kanilang pagkapanalo. Huwag palampasin ang matitinding dance moves ng XB Gensan sa It’s Showtime mula Lunes hanggang Sabado sa ABS-CBN.