Kahit aligaga sa trabaho, JC may time sa lovelife

Abala na ngayon si JC De Vera para sa teleseryeng You’re My Home. Bukod sa nasabing soap opera ay makakasama rin ng aktor si Nora Aunor sa isang pelikula. “I’m very proud, merong new project. May bagong pagkakaabalahan,” bungad ni JC.

“Matagal na siyang nagsu-shoot, on going pa naman, hindi pa siya natatapos. Working title lang so hindi pa namin pwedeng sabihin ang title,” dagdag ng aktor.

Na-challenge daw si JC nang makaeksena ang nag-iisang Superstar. “Very professional siya. Gina-guide niya ‘yung mga katulad namin na young. Challenged ako more than intimidated,” pagbabahagi ng binata.

Samantala, kahit kabi-kabila ang ginagawang proyekto ay may oras pa rin naman daw si JC para sa love life. “Meron naman siyempre. ‘Yung mga lalaki hindi naman pwedeng mawalan ‘yan. Meron naman, non-showbiz,” pagtatapat ng aktor.

“Isipin ko muna kung magbibigay ako ng details kasi private person siya eh. Nirerespeto ko naman ‘yun,” pagtatapos niya.

Danica hindi nakikialam sa kasal nina Vic at Pauleen

Hindi raw nakikialam si Danica Sotto-Pingris tungkol sa planong pagpapakasal ng amang si Vic Sotto kay Pauleen Luna. Maging ang bagong bahay na ipinagagawa ng magkasintahan ay hindi pa rin daw nakikita ng aktres. “No, I haven’t seen their house,” giit ni Danica.

“I think it’s really Pauleen who’s fixing everything. So she’s not naman getting us involved kasi parang it’s her wedding. So feeling ko awkward naman din to get us involved. I mean I never got Oyo (kapatid ni Danica) to be involved. Well, baka kasi he’s a boy pero parang usually ‘di ba ayaw mo naman unless you have like a sister like Ciara (Sotto, pinsan ni Danica) got her sisters involved. Pero at the end of the day, she’ll be the one to choose to pa rin what makes her happy,” paliwanag ni Danica.

Iginagalang naman daw ng aktres kung ano man ang mga naging desisyon ng kanyang ama. Hindi man malapit kay Pauleen si Danica ay inirerespeto rin niya ang dalaga.

“Actually it hasn’t changed naman eh. I’ve always been respectful to her because of my dad, because it’s my duty as a daughter to respect my father. But I was also very open that I was or still am concerned about their huge age gap. But I am not judging her, her as a person and we talk, we text. Siguro I just want it to happen naturally, ayokong ipilit. I wouldn’t say we’re not close. I wouldn’t say also naman na we’re super close. Parang I think nando’n kami sa somewhere in between. ‘Yung I’m trying to get to know her. She’s trying to get to know me, pero siyempre nando’n ‘yung respect ‘di ba?” makahulugang pahayag ni Danica.