Aktres nawalan ng raket sa pagmamaneho dahil sa pagpatoL sa karerista

MANILA, Philippines - Hindi na pala uli makakasali sa isang car racing event ang isang aktres.

Ang rason, pinatalsik daw ito dahil sa pagpatol sa isang karerista na banned sa event.

Yup, nagkaroon daw ang aktres ng affair sa nasabing  karerista ng kotse.

Eh may talent fee pala ang pagsali ng aktres sa nasabing event.

Kaya ngayon pinagpipiyestahan si aktres ng mga nangangarera na sumasali sa nasabing event.

Mukhang ‘di talaga mabubuhay ang aktres na walang karelasyon noh.

Matteo at Shaina walang limitasyon ang ginagawa

Ngayong gabi ang second episode ng pinag-uusapang mini-series nina Matteo Guidicelli at Shaina Magdayao na Single/Single na napapanood sa Cinema One.

In fairness, maraming naka-relate sa character nila sa unang saltada ng palabas noong nakaraang Sabado.

Very refreshing at ibang level daw ang pagiging realistic ng character ng dalawa.

Ang Single/Single ay co-production venture ng The Philippine STAR at Cinema One. Ito ay sa direksyon ng indie filmmaker na si Pepe Diokno, at isinulat ni Lilit Reyes and produced by Bianca Balbuena.

Nauna nang sinabi ni Direk Pepe, hindi lang basta masaya ang palabas kundi may kakaibang aral na mapupulot lalo na nga’t hindi sila binigyan ng limitasyon ng Cinema One sa mga gusto nilang atake sa mga eksena. Libre silang pag-usapan ang sex, pakikipagrelasyon, basta lahat ng mga pinagdaraanan ng millennials.

Maging sa mga dialogue ay puwede silang mag-experiment. Puwedeng Taglish ang gamitin nila na nakasanayan ng mga dating kung tawagin ay generation X.

Kuwento ito ng magka-share ng condo unit sina Joee (Shaina) at Joey (Matteo) na pagmamay-ari ng nanay ng karakter ni Matteo. Sa pagdaan ng araw, malalagay sa kakatwang maging naughty situations ang dalawa pero laging may mapupulot na aral sa pagtatapos ng episode.

Mapapanood ang Single/Single tuwing Sabado, 8 p.m. sa Cinema One at may replays tuwing Miyerkules, 8:30 p.m. at Linggo ng 10:00 p.m.