Pacquiao tablado kay Lomachenko
MANILA, Philippines — Kasalukuyang nagdodomina si Ukrainian superstar Vasyl Lomachenko sa super featherweight division.
Kaya naman kaagad tinanggihan ng kampo ni Lomachenko ang pakikipagharap ng two-time Olympic Games gold medalist kay Manny Pacquiao sa isang catchweight fight sa Abril.
“No, we are not fighting Pacquiao. Manny Pacquiao is calling out Lomachenko, who is three weight classes down the scale from him. Manny Pacquiao is 147 pounds and he’s calling out Lomachenko, who is 130 pounds. That’s insane,” sabi ni Egis Klimas, ang manager ng Ukrainian champion, sa panayam ng ESPN.
Kinumpirma rin ni Bob Arum ng Top Rank Promotions ang kanilang pakikipag-usap sa kinatawan ni Lomachenko.
“There had been discussions to fight Lomachenko but the father of Lomachenko didn’t want him to jump two weight classes,” wika ni Arum sa World Boxing Organization super featherweight titlist.
Matagal nang lumalaban ang 39-anyos na si Pacquiao sa welterweight division habang plano naman ng 29-anyos na si Lomachenko na umakyat sa lightweight class ngayong taon.
Ayon kay Arum, posible pa ring maplantsa ang laban nina Pacquiao at Lomachenko bago matapos ang taon.
“Lomachenko will fight first at lightweight and then what we’re trying to do is have Manny fight a keep-busy fight and then fight Lomachenko in the fall,” wika ni Arum.
Kamakalawa ay ibinunyag ng Filipino world eight-division champion ang pakikipag-usap nila sa kampo ni Lomachenko.
“There are still talks on the weight, reducing the weight,” ani Pacquiao (59-7-2, 38 KOs) sa kanyang pagsagupa kay Lomachenko (11-1-0, 11 KOs).
- Latest